martes, 14 de mayo de 2019

"Donas de si" nas letras

O alumno de Ciclo Superior de educación Infantil Iván Rey elaborou un dosier sobre as mulleres galegas nas letras dentro do programa que se está a desenvolver no centro "Donas de si".

O programa "Donas de si" ten como obxectivo principal  visibilizar e pór en valor a participación e produción das mulleres como pezas fundamentais na configuración e no desenvolvemento da sociedade galega contemporánea, de xeito que se recoñeza o seu papel político, social, artístico, científico e cultural e se supere a visión tradicional que presenta as súas achegas como puramente anecdóticas ou secundarias. Para conseguilo proponse realizar unha aproximación de conxunto, que teña en conta a variable de xénero, a figuras relevantes (atendendo especialmente as figuras esquecidas ou ocultas) da nosa historia para construír e divulgar a memoria histórica feminina de Galicia.

No enlace podedes ver o video coas Donas de sí nas letras seleccionadas dende a nosa biblioteca


lunes, 13 de mayo de 2019

Xoves de contos na biblioteca Anxel Casal

As alumnas e alumnos de Ciclo Superior de Educación Infantil, Begoña Brenlla, Ivan Rey, Rebeca Carballo, Cristina Cimadevila, Ana Garrido, Nerea Quiñoy, e María Villamor, desenvolveron a actividade "O XOVES CONTAME UN CONTO" na biblioteca pública Anxel Casal, na que contaron aos mais pequenos os seus contos favoritos.



viernes, 26 de abril de 2019

Campaña de animación á lectura do Concello de Santiago

      Hoxe tivemos ocasión de disfrutar dos contos con Sara e Alex, dentro da XIX campaña de animación á lectura que organiza o Concello de Santiago, nesta ocasión baixo o título de "Candido e dez premios mais", para conmemorar os X premios internacionais de ilustración Compostela.
Agradecer a Manuela Rodríguez, directora comercial de Kalandraka directora e coordinadora da campaña e a Xosé López que nos desvelaran os "segredos agochados" nos contos para chegar cos relatos aos nenos e nenas.





viernes, 5 de abril de 2019

Salón do libro infantil e xuvenil

Esta semana tivemos ocasión de visitar o Salón do Libro infantil e xuvenil que se celebra no Pazo da Cultura de Pontevedra do 22 de marzo ao 12 de abril,  adicado este ano a "Revolución", e con especial protagonismo da literatura dos países e comunidades lusófonas
No percorrido pudemos disfrutar de sesións de contacontos con Raquel Queizás, Pavís Pavos...e participar en obradoiros diversos, ademais como vedes de fotografiarnos coa mascota do salón Obril






martes, 2 de abril de 2019

Maletas viaxeiras de igualdade

Este mes contamos na nosa biblioteca con duas maletas viaxeiras violetas, unha para o alumnado e outra para o profesorado, un recurso do CAFI para a formación do profesorado en igualdade, e lecturas para o alumnado, cunha serie de libros e outros materiais (unidades didácticas, audiovisuais) para empregar nas aulas como material coeducativo. 

Este recurso forma parte do programa "Donas de Sí" dentro do Plan Proxecta, que coordina a profesora Guadalupe Villamarín.